கல்பனாசேக்கிழார்

மகர இறுதி வேற்றுமை யாயின்  துவரக் கெட்டு வல்லெழுத்து மிகுமே ( தொல்காப்பியம் - 31) வேற்றுமைப் புணரச்சியில் நிலைமொழிகளாக உள்ள மகர ஈற்றுச் சொற்கள் மகரம் கெட்டு வருமொழிக்கேற்ற வல்லவெழுத்து மிக்கு முடியும். எடுத்துக்காட்டு    மரம் + கோடு   = மரக்கோடு மரத்தினது கோடு என்று பொருள் பணம் + பெட்டி  = பணப்பெட்டி சட்டம் + பேரவை  = சட்டப்பேரவை பணம் + பயிர்   = பணப்பயிர் குற்றம்+ பத்திரிகை  = குற்றப்பத்திரிகை வட்டம் + பலகை     = வட்டப்பலகை சதுரம் + பெட்டி    

பொதுவாக மொழியில் புணர்ச்சி என்பது ஒரு சொல்லோடு இன்னொரு சொல்லோ, உருபனோ வந்து சேரும்பொழுது இடையில் ஏற்படும் மாற்றங்கள்.  சமஸ்கிருத்தில் சந்தி என்று கூறப்படுகிறது. பணம் + பெட்டி ------- பணப்பெட்டி என இணையும் இதில் பணம் என்பது நிலைமொழி பெட்டி என்பது வருமொழி என்று கூறப்படுகிறது. இவற்றுள் நிலைமொழியின் இறுதி எழுத்தாகிய 'ம்' அதுபோல வருமொழியின் முதல் எழுத்து 'பெ' இதனை ப்+ எ என்று பிரிக்கலாம். 'ம்' 'ப்' இணைதலே புணர்ச்சி. இவை நான்கு வகைகளில் வரலாம். நிலைமொழி இறுதி           வருமொழிஇறுதி           1. மெய்                   +                  உயிர்        ------- பூமகள் + ஊர்வலம்                                                                         ...

இயல்பினும் விதியினும் நின்ற உயிர் முன் கசதப மிகும் விதவாதன மன்னே ( நன்னூல் - 165) இந்நூற்பாக்கவை அடுத்து வரும் நூற்பாக்களில் பல இடங்களில் நிலைமொழி முன்னர் ஒற்றுமிகும் என்றும், சில இடங்களில் ஒற்றுமிகாது என்றும் விரிவாகக் கூறப்பெற்றுள்ளன. அவ்வாறு, குறிப்பிட்டுக் கூறப்பெறாத சொற்களில் இயல்பு  ஈறாகவும், விதி ஈறாகவும் நிற்கின்ற உயிரீற்றுச் சொற்களின் முன் பெரும்பாலும் ஒருமொழிக்கு ஏற்ற வல்லொற்று அல்லது மெல்லொற்று மிகும்.   அல்வழியில் எழுவாய்த் தொடரில் ஒற்றுமிகும் இடங்கள் அகர ஈறு -      விள க் குறிது ஆகார ஈறு -   புறா ப் பறந்தது இகர ஈற்று முன் ஒற்று மிகாது ( கிளி பறந்தது) ஈகார ஈறு -     தீ ப் பிடித்தது உகர ஈறு -      கடு ப் பெரிது. கடு - ஒருவகை மரம் ஊகார ஈறு -   கொண்மூ க் கடிது - கொண்மூ - மேகம் ஏகார ஈறு -     சே ப் பெரியது சே - ஒருவகை மரம் ஐகார ஈற்றின் முன்னும் ஒற்று மிகாது ( யானை பெரிது) ஓகார ஈறு -     ஓ ப் பெரியது ஓ - மதகுநீர் தாங்கும் பலகை ஔகார ஈறு - கௌவு க் கடிது வேற்றுமைத் தொகையில் ஒற்று...

ஒற்றுப்பிழைகள் ஏற்படாமல் தமிழ் மொழியைக் கையாளுவதற்குப் பேராசிரியர் பி.விருத்தாசலனார் தமிழ்க் குன்றம் என்னும் நூலை உருவாக்கியுள்ளார்கள். அந்நூலில் கூறப்பட்டுள்ள நூற்பாக்களோடு விளக்கங்களையும் தொடர்ந்து  எழுதலாம் என்று எண்ணுகிறேன். வேற்றுமை அல்வழிப் புணர்ச்சிகள் வேற்றுமை ஐம்முதல் ஆறாம் ; அல்வழி தொழில்பண் புவமை உம்மை அன்மொழி எழுவாய் விளி  ஈரெச்சம் முற்று இடையுரி தழுவுதொட ரடுக்கென வீரேழே (நன்னூல் - 152) வேற்றுமைப் புணர்ச்சியாவது ஐ, ஆல், கு, இன், அது, கண் என்னும் வேற்றுமை உருபுகள் ஆறும் மறைந்தும், வெளிப்பட்டும் வரச் சொற்கள் ஒன்றுடன் ஒன்று பொருந்தும் புணர்ச்சியாம். 1. நிலம் கடந்தான் - இரண்டாம் வேற்றுமை உருபாகிய ஐ உருபு தொக்கது    நிலத்தைக் கடந்தான் என்பது விரி. 2. கல்லெரிந்தான் - மூன்றாம் வேற்றுமை உருபாகிய ஆல் உருபு தொக்கது      கல்லால் எறிந்தான் என்பது விரி 3. கொற்றன் மகன் - நான்காம் வேற்றுமை உருபாகிய கு உருபு தொக்கது     கொற்றனுக்கு மகன் என்பது விரி 4. மலைவீழருவி - ஐந்தாம் வேற்றுமை உருபாகிய இன் உருபு  தொக்கது ...

ஒவ்வொரு மொழியிலும் தனிநிலை,ஒட்டுநிலை,உட்பிணைப்பு நிலை மூன்றும் உள.ஆயினும் இவற்றில் ஏதேனும் ஒன்று மேலோங்கி நிற்கும். தமிழ் ஒட்டுநிலையில் பெரிதும் உளது; ஒரு சொல்லின் உறுப்புகளைத் தனித்தனியே பிரிக்கலாம்; பிறகு பிரிந்தவாறே சேர்த்து முன்னைய வடிவை உருவாக்கி விடலாம். கூனன் - கூன் + அன் பாடினான் - பாடு + இன் + ஆன் எடுத்தான் - எடு + த் + த் + ஆன் படித்தனன் - படி + த் + த் + அன் + அன் கண்டனன் - காண் (கண்) + ட் + அன் + அன் வந்தனன் - வா(வ) + த்(ந்) +த் + அன் +அன் இவை ஒவ்வொன்றற்கும் தனிப்பொருளும் பெயரும் உண்டு. பகுதி அல்லது முதனிலை, விகுதி அல்லது இறுதிநிலை. அவற்றுடன் இடைநிலை பகுதிக்கும் இடைநிலைக்கும் இடைப்பட்டது சந்தி. காண் - கண் என மாறுவது பகுதி திரிந்த விகாரம். வா - வ எனத் திரிவதும் அது த -ந் ஆவது சந்தி திரிந்த விகாரம். வந்தானில் ஆன் இறுதிநிலை,வந்தனன் என்பதில் அன் + அன் - என இரண்டும் உள. முன்னது சாரியை, பின்து விகுதி இறுதிநிலை . இத்தகைய சொற்கட்டமைப்பை மாற்றி வர்றான், பாட்றான் ,கேக்குறான், விளையாட்றான் என்றால் உட்பிணைப்பு பிரிக்க முடாயத நில...

தொல்காப்பியர் குறிப்பிடும் தமிழ்ச்சொல் இலக்கணம்தான் அம்மொழியின் இளமையைக் காத்தது.அளவிறந்த கருத்துகளும் வழிவகுக்கும் அவற்றில், ஒருசில சிறந்த பகுதிகளையே நாம் இங்கு அறிமுகம் செய்துகொள்கிறோம். தமிழ்மொழியிலுள்ள மொழிகளின் உள்வகைகளை ஓரிடத்தில் கூறுகின்றார். ஒரெழுத் தொருமொழி ஈரெழுத்தொருமொழி இரண்டிறந் திசைக்கும் தொடர்மொழி உளப்பட மூன்றே மொழிநிலை தோன்றிய நெறியே தமிழில் ஓரெழுத்து தொரு மொழிகள் மிகப்பல. நெட்டெழுத்து என்பன உயிர்நெடிலாகிய உயிர்நெடிலாயினும் வேறு பொருள் தரும்போது சொல்லாகிவிடும். எழுத்துக்கள் தொடர்ந்து பொருள் தருவது சொல் என்பது மாறி, எழுத்தே தன்னை உணர்த்துவதன்றி பிறிதொரு பொருள் தந்து சொல்லாவது தமிழின் சிறப்புகளில் ஒன்றெனலாம். ஆங்கிலத்தில் A- என்பது ஓரெழுத்து ஒரு மொழியாக பயன்படுகிறது.A BOOK- ஒரு புத்தகம் .A CLASS- உயர் வகுப்பு முதல் வகுப்பு I - நான். தமிழில் ஆ -பசு, வியப்புக்குறிப்பு, ஊ - தசை,ஊன்,உணவு. ஈ - தருவாயாக.தா,போ,கா,நா,வா,சா,பா,யா,மா,தீ,போ,கூ என அடுக்கலாம். சில பலபொருடையன. இவை சைகை மொழியிலிருந்து பிறந்த்தற்கு அடையாளம் என்பர் ஆய்வாளர். கூ- குயில், கா- காக்கை, மா- மாடு இவை போல்வன போ...

தெல்காப்பியம் மூன்று அதிகாரங்களாகப் பகுக்கப் பெற்றள்ளது.மூன்று அதிகாரங்களும் ஒன்பது இயல்களாக வகுக்கப்பெற்றுள்ளன. ஒவ்வொரு அதிகாரங்களிலும் உள்ள ஒன்பது தலைப்புகளையும் நினைவில் வைத்துக்கொள்ளும் படி நம் முன்னோர் நூற்பா இயற்றியுள்ளனர் . தொல்காப்பிய அகராதி என்னும் நூலில் அத்தொகுப்பு காணப்பெறுகின்றது. அதுபோலவே ஒவ்வொரு அதிகாரத்திலும் எத்தனை நூற்பாக்கள் உள்ளன என்பதற்கும் நூற்பாக்கள் இயற்றியுள்ளனர்.இதோ உங்கள் பார்வைக்கு. எழுத்த்திகாரத்தின் இயல் வரிசை நூலின் மரபு மொழிமரபு நுண்பிறப்பு மேலைப் புணர்ச்சி தொகைமரபு - பாலாம் உருபியலில் பின்னுயிர் புள்ளி மயக்கம் தெரிவரிய குற்றுகரகம் செப்பு எழுத்த்திகாரத்தின் நூற்பாத் தொகை எழுத்தி காரத்துச் சூத்திரங்க ளெல்லாம் ஒழுக்கிய வொன்பதோத் துள்ளும் - வழுக்கின்றி நானூற் றிருநாற்பான் மூன்றென்று நாவலர்கள் மேனூற்று வைத்தார் விரித்து. சொல்லதிகாரத்தின் இயல்வரிசை கிளவியாக் கம்மே கிளர்வேற் றுமைசொல் உறவேற் றுமைமயக்க மோங்கும் - விளிமரபு தேற்றும் பெரயர்வினைச்சொல் சேரும் இடையுரிச்சொல் தோற்றிய வெச்சவியல் சொல். சொல்லதிகார நூற்பாத் தொகை தோடவிழ்பூங் கோதாய் சொல்லாதி காரத்துள் கூடிய ...

இலக்கிய நூல்களைக் காட்டிலும் இலக்கண நூல்களைப் படித்தறிதல் கடினமானது.இலக்கண நூலை இயற்ற வேண்டும் என்றால் பரந்த நூலறிவு வேண்டும். இலக்கண நூல்களை இயற்றுவதிலும் பெண்கள் சிறப்புடன் செயலபட்டுள்ளனர்.செய்யுளைப் பற்றிய இரண்டு நூல்களை பெண்பாற் புலவர்கள் இயற்றியுள்ளனர்.அவ்விலக்கண நூல்கள் காக்கைப்பாடினியம்,சிறுகாக்கைப் பாடினியம் என்பதாகும்.யாப்பருங்க விருத்தியுரை,யாப்பருங்கலக் காரிகையுரை என்னும் நூல்கள் இவ்விரு நூல்களில் உள்ள பல சூத்திரங்களை மேற்றகோளாக் காட்டியுள்ளன.காக்கைப்பாடினியம் பற்றிய குறிப்பு தொல்காப்பிய உரைகளிலும்,நன்னூல் மயிலைநாதர் உரையிலும்,களவியல் உரையிலும்,வீரசோழியம் உரையிலும் உள்ளன.காக்கைப் பாடினிய நூற்பாக்கள் 89 கிடைத்துள்ளன.புலவர் இரா.இளங்குமரன் அவர்கள் உறுப்பியல் செய்யுளியல் பொதுவியல் எனப் பகுத்துக்கொண்டு இந்நூலை அமைத்துத் தருகின்றார்.சங்க இலக்கியத்திலும் ஒரு காக்கைப்பாடினியார் இருந்துள்ளார்.பாடினி என்பது பெண்களைக் குறிக்கப்பயன்படும் சொல்லாகும். பாணன் சூடான் பாடினி அணியாள் (புறம்,242) மறம்பாடிய பாடினியும்மே(புறம் 11) வாடா மாலை பாடினி அணிய ( புறம் ,364) புரிமாலையர் பாடினிக்குப் (புற...