கல்பனாசேக்கிழார்

அன்பும் இருளும் நீக்கி நீங்கா நிரயம் கொள்பவரொடு ஒன்றாது காவல் குழவி கொள்பவரின் ஓம்புமதி (புறம்,5 ) - நரிவெரூஉத் தலையார்\ வழிபடு வோரை வல்அறி தீயே பிறர்பழி கூறுவோர் மொழிதே றலையே நீமெய் கண்ட தீமை காணின், ஒப்ப நாடி அத்தக ஒறுத்தி, வந்துஅடி பொருந்தி முந்தை நிற்பின் தண்டமும் தணிதிநீ பண்டையின் பெரிதே (புறம்,10)                                                                     ஊன்பொதி பசுங்குடையார் நிலன்நெளி மருங்கின் நீர்நிலை பெருகத் தட்டோர் அம்ம இவண்தட் தோரே தள்ளா தோர்இவண் தள்ளா தோரே ( புறம்,18) குடபுலவியனார் கொடியோர்த் தெறுதலும் செவ்விழோர்க்கு அளத்தலும் ஒடியாமுறையின் மடிவுஇலை ஆகி (புறம், 29)                                                             ...

அண்மையில் விலங்குப் பண்ணை நூலினை வாசித்தேன். அதிகாரம் என்பது எதனையும் தனக்கானதாக மாற்றும் வல்லமையுள்ளதாக இருக்கிறது. மானுடத்தை மீட்பதாக கூறிக்கொள்ளும் எந்த ஒரு தத்துவமும் அதிகாரம் என்பது தன்வயமாகும் போது, வகுத்த நியதிகளை மீறுவதும் அதற்கான நியாயங்களைக் கற்பித்துக்கொள்ளுவதும், அதனைப் பரப்ப ஒரு கூட்டத்தை உருவாக்கி கொள்ளுவதும் மாறாத உலக நியதி . 

ஒரு பெண்ணின் அசலான வாழ்க்கையை முன் வைத்து எழுதப்பட்டது கூத்தாயி. தஞ்சையின் தென் பகுதி கிராமத்தில் வாழ்ந்து மறைந்த பெண்ணைப் பற்றிய ஆவணம் என்று கூறலாம். நம்முடைய கிராமங்களில் முந்தைய தலைமுறையைச் சார்ந்தவர்கள் தங்களது வாழ்க்கையை எப்படி அமைத்துக்கொண்டார்கள் என்பதை அடுத்த தலைமுறைக்கு கடத்துகிறது இந்நாவல்.    

மனிதனின் அறிவுசார் தொடக்கம் மொழி. மொழி என்னும் கருவி மானுடத்தின் அகத்தும் புறத்தும் நிகழ்த்திய/ நிகழ்த்தும் ஊடாட்டத்தின் விளைவே பல் பரிமாண/ பரிணாம வளர்ச்சி. பல நூற்றாண்டுகள் பல்வேறு நிலைகளில் மொழியைப் பயன்படுத்தும் பொழுதுதான் அதற்கான வரைவுகள் உருவாகத்தொடங்குகின்றன. அவ்வாறு உருவானவை அம்மொழியின் இலக்கணங்களாக அமைகின்றன. இந்திய மொழிகளில் பழமையான மொழிகளுள் தமிழ், சமஸ்கிருதம் தனக்கென இலக்கண மரபுகளைக் கொண்டுள்ளது. இரண்டு மொழிகளிலும் காணப்படும் இலக்கண மரபுகளை அறிமுகப்படுத்தி, தமிழ் மொழியினுள் சமஸ்கிருத மொழியின் தாக்கம் மெல்ல மெல்ல எவ்வாறு நுழைந்தது என்பது குறித்தும் தமிழ் சமஸ்கிருத இலக்கண மரபுகள் என்னும் நூல் விளக்கிச்செல்கிறது. இரண்டு இலக்கணமரபுகளுள் வேற்றுமை, வேற்றுமைத் தொகைக்கான இலக்கணம் எவ்வாறு வரையறுக்கப்பட்டுள்ளது என்பதை தொல்காப்பியம், வீரசோழியம், பியோகவிவேகம், இலக்கணக்கொத்து ஆகியநூல்களோடு சமஸ்கிருத வேற்றுமை, தொகை இலக்கண கூறுகள் ஒப்பிட்டு நோக்கப்பட்டுள்ளது. இந்திய நிலப்பரப்பில் உருவான பல்வேறு மரபிலக்கணங்களுடன் தமிழ் மரபிலக்கணத்தை ஒப்பிட்டு ஆய்வு செய்வதற்கு அடிப்படையாக இந்நூல்...

            இந்திய   மரபில் பெண்ணுக்கான இருப்பின் விதியை , பல நிலைகளில் உருவாக்கி / வகுத்தும் ,   செயல்படுத்தியும் வந்திருப்பதை , தொல்சீர் இலக்கண , இலக்கியங்கின் ஊடாக பயணிக்கும் போது அறியமுடியும் ., சங்க கால , வேத கால பெண்கள் பெருமையோடும் சிறப்போடும் வாழ்ந்தார்கள் என்ற பிம்பத்தை உருவாக்கவும் முற்பட்டிருக்கின்றனர் .   ஆனால் சமூத்தின் பொதுபுத்தியில் பெண் ஆணைவிடக்   கீழானவள் ; மாறுபட்டவள் இயற்கையிலேயே இவ்விதம் உருவாக்கப்பட்டவள் என்ற கருத்துரு படிந்து கிடக்கிறது . அதனால் தான் சமூகத்தின் அடிமைகள் , சேவகர்கள் குறித்துப் பேசும்போதெல்லாம் பெண்ணையும் சேர்த்தே பேசியிருக்கின்றனர் . ஆட்சி , அதிகாரம் , தனிவாழ்வு , பண்பாட்டு கூறுகள் அனைத்திலும் இக் கருத்து ஊடுருவி இருந்தன . சமண , பௌத்தங்கள் மாற்றுச் சிந்தனை உருவாக்கினாலும் , பெண் குறித்தான கருத்தில் ஒத்த சிந்தனையுடன் செயல்பட்டுள்ளன . வைதீகச் சமயங்களில் பெண்கள் அறியப்பட்டாலும் , ‘ தன்னுறு வேட்கை கிழவன்முற் ...