முதன்மை உள்ளடக்கத்திற்குச் செல்

புலவர்கள் போற்றும் புலவர்கள்

சங்க பாடல்களைப் படிக்கும் போது ,அக்காலப் புவர்களிடையே எவ்விதமான காழ்ப்புணர்வுகளும் இல்லாமல் தம்மை ஒத்த புலவர்களை மதித்துப் போற்றும் பாங்கினைக் காணமுடிகின்றது.

புறநானூற்றில் பொறையன் என்னும் புலவர் குறிஞ்சி பாடல்களைப் பாடுவதில் சிறந்தவரான கபிலரைப் போற்றிப் பாடுகின்றார்.

செறுத்த செய்யுள் செய்செந் நாவின்
வெறுத்த கேள்ளவி விளங்கு புகழ்க் கபிலன்
இன்றுளன் ஆயின் நன்றுமன்!(புறம்,53)

கபிலர் பல பொருளையும் அடக்கிய செய்யுளை இயற்றும் செவ்விய நாவையும்,மிகுந்த அறிஞானத்தையும்,பல்லோர் புகழ்ந்து ஏத்தும் சிறப்பினையும் உடையவர் எனப் பாடுகின்றார்.


மாறோகத்து நப்பசலையார் என்ற புலவரும் கபிலரைச் சிறப்பித்துப் பாடுகின்றார்.

நிலமிசைப் பரந்த மக்கட் கெல்லாம்
புலனழுக் கற்ற் அந்த ணாளன்
இரந்துசெல் மாக்கட்க் இனியிடன் இன்றிப்
பரந்திசை நிற்கப் பாடினன்.(புறம்,126)

மண்ணில் பரவியுள்ள மக்களுக்கெல்லாம் புலமைக் குறை இல்லாத அந்தணனாகிய கபிலன்,இரந்து செல்லும் புலவர்களுக்கு இனி இடம் இல்லையாகப் பெருகிய புகழ் நிலைக்கப் பாடினான் என்று கபிலரின் கவி திறனைக் கண்டு வியக்கின்றார்.

பதிற்றுப் பத்தில் பெருங்குன்றூர் கிழார் கபிலரின் பாடலின் சிறப்பையும்,பாடலால் அவர் பெற்ற ஊர்களையும் பாடுகின்றார்.
அரசவை பணிய அறம்புரிந்து வயங்கிய
மறம்புரி கொள்கை வயங்குசெந் நாவின்
உவலை கூராக் கவலைஇல் நெஞ்சின்
நனவினும் பாடிய நல்இசைக்
கபிலன் பெற்ற ஊரினும் பலவே.(பதிற்றுப்பத்து,85)
பகையரசர்களின் அவைகள் பணியவும்,அறத்தை விரும்பியும் அதற்கு இடையூறு ஏற்பட்டால்,அதனைக் காத்தற் பொருட்டு மறத்தை விரும்பி செயற்பட்டு விளங்கிய ,அவனது கொள்கையைச் செம்மை விளங்கிய நாவினாலும்,இழிவும் கவலையும் இல்லாத மனத்தினாலும் மெய்மயாய் பாடிய கபிலர் பரிசிலாகப் பெற்ற ஊர்கள் பல .


மதுரை நக்கீரனார் என்னும் புலவர் அகநானூற்றில் கபிலரின் வாய்மையைப் பாடுகின்றார்.

உலகுடன் திருதரும் பலர் புகழ் நல்லிசை
வாய்மொழிக் கபிலன்.(அகம்,78)
உலகுடன் இணைந்து வருகின்ற பல்லோர் போற்றும் சீர்த்தியைக் கொண்ட பொய்யாமொழிக் கபிலன் எனப் பாராட்டி உரைக்கின்றார்.


பெருஞ்சித்திரனார் புறநானூற்றில் மோசிகீரன் என்னும் புலவரைச் சிறப்பித்துப் பாடுகின்றார்.
.................திருந்துமொழி
மோசி பாடிய ஆயும் (புறம்,158)

அதுபோலவே அந்துவனாரை மருதன் இளநாகன் என்ற புலவர் அகநானூற்றுப் பாடலில் சிறப்பித்துப் பாடுகின்றார்.

அந்துவன் பாடிய சந்துகெழு நெடுவரை ( அகம்,59)

கருத்துகள்

ஆ.ஞானசேகரன் இவ்வாறு கூறியுள்ளார்…
சிங்கை பதிவர்கள் மற்றும் தமிழ்வெளி நடத்தும் கட்டுரை போட்டி பற்றி உங்களுக்கு தெரியும் என்றே நினைக்கின்றேன்...

சிங்கை பதிவர்கள் மற்றும் தமிழ்வெளி.காம் இணையதளம் நடத்தும் மாபெரும் கருத்தாய்வு போட்டி

உங்களிடமிருந்து கட்டுரைகளை எதிர்ப்பார்கின்றோம்... உங்கள் கல்லூரி மாணவர்களுக்கு தெரியப்படுத்தினால் நன்றாக இருக்கும்.... முடிந்தால் ஒரு இடுகை எழுதுங்கள்
மிக்க நன்றி அம்மா
சந்ரு இவ்வாறு கூறியுள்ளார்…
மிகவும் பயனுள்ள ஒரு இடுகை, உங்கள் இடுகைகள் அனைத்துமே அருமை தொடருங்கள் வாழ்த்துக்கள்.
முனைவர் சே.கல்பனா இவ்வாறு கூறியுள்ளார்…
வணக்கம் சேகரன் உங்கள் தளத்தில் கண்டேன்.மாணவர்களிடமும் இச் செய்தியினை அறிவிக்கின்றேன்.மிக்க நன்றி.
முனைவர் சே.கல்பனா இவ்வாறு கூறியுள்ளார்…
வாருங்கள் சந்துரு உங்கள் வருகைக்கும் கருத்துக்கும் நன்றிகள் பல....
ஆ.ஞானசேகரன் இவ்வாறு கூறியுள்ளார்…
// முனைவர் சே.கல்பனா கூறியது...

வணக்கம் சேகரன் உங்கள் தளத்தில் கண்டேன்.மாணவர்களிடமும் இச் செய்தியினை அறிவிக்கின்றேன்.மிக்க நன்றி.//

நன்றி
குமரன் (Kumaran) இவ்வாறு கூறியுள்ளார்…
கபிலருக்கும் பாரிவேளுக்கும் இடையே இருந்த நட்பைப் பற்றி புறநானூற்றில் கிடைத்த பாடல்களைத் தரவுகளாகக் கொண்டு ஒரு தொடர் கதை எழுதினேன். அப்போது கபிலரைப் போற்றும் இந்தப் பாடல்கள் தெரியாமல் போய்விட்டது. இப்போதாவது நீங்கள் அறிமுகப்படுத்தியதால் தெரிந்ததே என்று மகிழ்கிறேன். நன்றி முனைவரே.

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

அம்பல் அலர்

அம்பல் அலர் கௌவை என்ற சொல்லாட்சிகள் சங்க இலக்கியங்களில் காணப்பெறுகின்றன.திருக்குறளில் திருவள்ளுவர் அலரறிவுறுத்தல் என்ற அதிகாரத்தைப் படைத்துள்ளார்.சரி அம்பல் அலர் என்றால் என்ன என்று பார்த்தோம் என்றால் தலைவன் தலைவி காதல் கொண்டு ஒழுகும் செய்தி சிலருக்கு மட்டும் தெரிந்தால் அது அம்பல் எனப்படும்.பலர் அறிந்தால் அதற்கு பெயர் அலர் எனப்படும்.இப்பொழுது கூறுகின்றோமே கிசுகிசு என்று அதைதான் முன்பு அம்பல் அலர் என்று பிரித்துக் கூறியிருக்கின்றார்கள்.

அதாவது அம்பல் என்பது மொட்டு நிலை என்றும் அலர் என்பதை மலர்ந்த நிலை என்றும் கூறலாம்.காதல் எப்பொழுது அம்பலாக மாறுகிறதோ அப்பொழுது அது நன்மையில் முடியும் என்ற கருத்தும் பண்டு இருந்துள்ளது.

அம்பலுக்கு உவமை கூறும் போது ஒலி குறைவாக கேட்க கூடிய கோழி,நாரை போன்றவற்றின் சத்ததையும் ,அலருக்கு உவமை கூறுமிடத்து எங்கும் பரவிகாணக்கூடிய சூரியனின் ஒளி,காட்டுத்தீ,அதிர்ந்து கேட்க கூடிய முரசின் ஒலி,களிற்றின் ஆரவாரம்,வீரர்கள் ஆரவாரம்,அருவியின் ஓசை,பறையோசை,போர்கள் ஆரவாரம் போன்றவற்றை உவமையாக கூறுவதாலும் அம்பல் என்பது சிலர் அறிந்த செய்தியாகவும் அலர் என்பது பலர் அறியக்கூடிய செய்தியா…

செய்யுளும் உரைநடையும்

முதலாமாண்டு – இரண்டாம் பருவம் தாள் -1 –ITAC - செய்யுளும் உரைநடையும் அலகு – 1      குறுந்தொகை
நல்ல குறுந்தொகை எனப் புலவர்களால் பாராட்டப்பட்டது. குறுந்தொகை என்பதற்கு குறும் பாடல்களைக் கொண்ட தொகை அல்லது தொகுப்பு என்று பொருள் படும்.  தொகுத்தவர் உப்பூரி குடிகிழார் தொகுப்பித்தவர் பூரிக்கோ. 400 பாடல்களை 205 புலவர்கள் பாடியுள்ளனர். கடவுள் வாழ்த்து பெருந்தேவனார் என்பவர் பாடியுள்ளார். எட்டுத்தொகை நூல்களுள் ஒன்று. இது அகத்திணைப் பாடல்களின் தொகுப்பு. இப்பாடல்களின் அடிவரையறை 4 முதல் 8, நேரிசை ஆசிரியப்பாவினால் ஆனது. ஆசிரியர் பெயர் தெரியாத பாடல்கள் பத்து உள்ளன. உவமையாலோ, தொடராலோ அல்லது சிறப்பு அடைமொழியாலோ பெயர்பெற்ற புலவர் எண்ணிக்கை 19. குறுந்தொகையில் வருணனை குறைவு. முதல், கருப் பொருள்களை விட உரிப்பொருளுக்குச் சிறப்பிடம் தரப்படுகிறது. உள்ளுறை இறைச்சி அளவாக அமைந்துள்ளன. குறுந்தொகைப் பாடல்கள் உலகத் தரமுடையவை. உலகிலுள்ள எவ்வளவு சிறந்த காதல் பாடல்களுடன் ஒப்பிட்டு அதன் சிறப்பை உணரலாம். பல சான்றோர்களால் அதிகம் மேற்கோளாகப் பயன்படுத்தப்பட்டது இந்நூல் ஆகும். இலண்டன் நகரில் பூமிக்கு அடியில் ஓடும் சுரங்கத் தொடர் வ…