முதன்மை உள்ளடக்கத்திற்குச் செல்

சிலப்பதிகாரம்


நமது தொன்மையான இலக்கியங்களுள் ஒன்று சிலப்பதிகாரம்.ஐம்பெருங்காப்பியங்களுள் இரட்டைக் காப்பியங்களாகப் போற்றப்பெறுவன சிலப்பதிகாரமும் மணிமேகலையும் ஆகும்.மணிமேகலை ஒரு சமயகாப்பியமாத் திகழ,சிலப்பதிகாரம் வாழ்வியலையும்,நமது பண்பாட்டையும் உணர்த்தும் காப்பியமாகத் திகழ்கின்றது.சேர,சோழ,பாண்டி மன்னர்களைப் பற்றியும் ,அங்குள்ள மக்களின் வாழ்க்கைநிலையினைப் பற்றியும் எடுத்தி இயம்பும் காப்பியமாக படைத்துக்காட்டியுள்ளார் இளங்கோவடிகள்.
அதுபோலவே தமது காலத்தில் நிலவிய சமய வேறுபாடுகளைக் களைந்து ,சமயங்களுக்கிடையே ஒரு நல்லிணக்கத்தை உருவாக்க முயன்றுள்ளார்.மக்களுக்கிடையே இருந்த இனவேறுபாட்டையும் சமன்செய்ய முயன்றுள்ளார்.மன்னர்களைப் பற்றியே பாடிக்கொண்டும் காப்பியம் இயற்றியும் இன்புற்றுகொண்டு இருந்தவர்கள் மத்தியில் ,குடிமக்களையும் பாடி காப்பியம் படைக்கலாம் எனப் படைத்துக் காட்டி புதுதடத்தைப் பதித்தவர் இளங்கோவடிகள்.


சிலம்பு கதைக்கு மூலக்காரணமாக அமைந்ததால் இக்காப்பியத்திற்குக் சிலப்பதிகாரம் எனப் பெயர் வரக் காரணமாயிற்று.யாருடைய சிலம்பு காரணமாக இருந்தது,அதாவது கோப்பெருந்தேவியின் சிலம்பா,கண்ணகியின் சிலம்பா என்பதில் அறிஞர்களுக்கிடையே கருத்துவேறுபாடு உண்டு.


தமிழறிஞர் செம்மல் வ.சுப.மாணிக்கனார் அவர்கள் தமது எந்த சிலம்பு என்னும் நூலில் கோப்பெருந்தேவியின் சிலம்பே கதைக்கு முக்கிய திருப்பமாக அமைந்ததால் சிலப்பதிகாரம் என்று பெயர் வந்து என்று கூறுவர்.ஆனால் சிலம்பு செல்வர் மா.பொ.சிவஞானம் அவர்கள்
கண்ணகி சிலம்புதான் கதையின் திருப்பத்திற்குக் காரணம்,அதனால் சிலப்பதிகாரம் எனக் கண்ணகியின் வரலாற்றுக்குப் பெயர் வரக் காரணம் அவளுடைய காற்சிலம்பே என்று கூறுவார்.

இப்படி அறிஞர்களிடையே வேறுபட்ட கருத்துக்கள் இருந்தாலும்,இக்கதையின் திருப்புமுனையாக சிலம்புகளே காரணமாக அமைந்ததால் சிலப்பதிகாரம் எனப்பெயர் பெற்றது எனலாம்.
------------தொடரும்

கருத்துகள்

குப்பன்_யாஹூ இவ்வாறு கூறியுள்ளார்…
nice thanks for sharing
முனைவர் சே.கல்பனா இவ்வாறு கூறியுள்ளார்…
நன்றி குப்பன்.......
ஆ.ஞானசேகரன் இவ்வாறு கூறியுள்ளார்…
//சிலம்பு கதைக்கு மூலக்காரணமாக அமைந்ததால் இக்காப்பயத்திற்குக் சிலப்பதிகாதம் எனப் பெயர் வரக் காரணமாயிற்று.யாருடைய சிலம்பு காரணமாக இருந்தது,அதாவது கோப்பெருந்தேவியின் சிலம்பா,கண்ணகியின் சிலம்பா என்பதில் அறிஞர்களுக்கிடையே கருத்துவேறுபாடு உண்டு.
//

அப்படியா? நான் கண்ணகியின் சிலம்பின் காரணம் என்றே நினைக்கின்றேன்...

பகிவுக்கு மிக்க நன்றிங்க
முனைவர் சே.கல்பனா இவ்வாறு கூறியுள்ளார்…
உங்கள் வருகைக்கும் கருத்துக்கும் நன்றி சேகரன்........
குமரன் (Kumaran) இவ்வாறு கூறியுள்ளார்…
நான் இது வரை கண்ணகியின் சிலம்பே சிலப்பதிகாரம் என்ற பெயருக்குக் காரணம் என்று நினைத்திருந்தேன். அறிஞர் பெருமக்கள் மாற்று கருத்தும் கொண்டிருந்தனர் என்பது புதிய செய்தி எனக்கு. நன்றி முனைவரே.
Boologa Rambai இவ்வாறு கூறியுள்ளார்…
Dear Friend,
I am Dr.A.Boologa Rambai, Professor, Department of Tamil, Dravidian University, kuppam. The reason for naming the epic Silappathikaram is due to the anklet of koperundevi only. If she is not loseing her anklet there is no chance of that PoRkollan's fraud. Because of the queen's lose of anklet he got the chance to tell kovalan as a thief. So the lose of the queen's anklet is the reason for naming the epic as Silappathikaram.

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

சங்க இலக்கியத்தில் விருந்தோம்பல்

சங்கதமிழ் இலக்கியங்கள் காதல்,வீரம்,கொடையை மட்டுமன்றி
இல்லறத்துக்குரிய அறங்களுள் ஒன்றாக விருந்தோம்பலையும்
சிறப்பித்துக் கூறுகின்றன.விருந்தோம்பலில் தமிழரே பேர் பெற்றவர்கள்.
பழந்தமிழர் விருந்தோம்பலை வாழ்க்கையின் உயிர் நாடியாகக் கொண்டமை,
அக்கால நூல்களால் நன்கு தெரிகிறது.பழந்தமிழ் நூல்களில் விருந்து மணமே
பெரிதும் கமழ்ந்து கொண்டிருந்தது.விருந்தோம்பலின் அருமையை அறிந்து
வள்ளுவர் விருந்தோம்பலுக்கென்று தனியோர் அதிகாரத்தைப் படைத்துள்ளார்.
'விருந்து' என்ற சொல் புதுமையைப் குறித்துப் பின்பு ஆகுபெயராய் விருந்தினரைக்
குறித்து வழங்கலாயிற்று.
'விருந்து தானும்
புதுவது கிளந்த யாப்பின் மேற்றே'(பொருளதிகாரம்,237)
என்ற தொல்காப்பிய நூற்பா மூலம் அறியலாம்.
இல்லற நெறி
'பகுத்துண்டு பல்லுயிர் ஓம்புதலே' இல்லறத்தின் தலையாய நெறியாகும்.
விருந்தோம்பல் இல்லாத வாழ்க்கை இல்வாழ்க்கை ஆகாது. விருந்தோம்பலில் பெண் பெரும்
பங்கு பெறுகிறாள்.ஆதலின் 'நல்விருந்தோம்பலின் நட்டாள்' எனத் திரிகடுகம் கூறும்.

தொல்காப்பியமும் மனைவிக்கு உரிய மாண்புகளாக விருந்தோம்பலையும் சுற்றம் ஓம்பலையும் சுட்டுகிறது.
\
'விருந்து புறந்தருதல…

அம்பல் அலர்

அம்பல் அலர் கௌவை என்ற சொல்லாட்சிகள் சங்க இலக்கியங்களில் காணப்பெறுகின்றன.திருக்குறளில் திருவள்ளுவர் அலரறிவுறுத்தல் என்ற அதிகாரத்தைப் படைத்துள்ளார்.சரி அம்பல் அலர் என்றால் என்ன என்று பார்த்தோம் என்றால் தலைவன் தலைவி காதல் கொண்டு ஒழுகும் செய்தி சிலருக்கு மட்டும் தெரிந்தால் அது அம்பல் எனப்படும்.பலர் அறிந்தால் அதற்கு பெயர் அலர் எனப்படும்.இப்பொழுது கூறுகின்றோமே கிசுகிசு என்று அதைதான் முன்பு அம்பல் அலர் என்று பிரித்துக் கூறியிருக்கின்றார்கள்.

அதாவது அம்பல் என்பது மொட்டு நிலை என்றும் அலர் என்பதை மலர்ந்த நிலை என்றும் கூறலாம்.காதல் எப்பொழுது அம்பலாக மாறுகிறதோ அப்பொழுது அது நன்மையில் முடியும் என்ற கருத்தும் பண்டு இருந்துள்ளது.

அம்பலுக்கு உவமை கூறும் போது ஒலி குறைவாக கேட்க கூடிய கோழி,நாரை போன்றவற்றின் சத்ததையும் ,அலருக்கு உவமை கூறுமிடத்து எங்கும் பரவிகாணக்கூடிய சூரியனின் ஒளி,காட்டுத்தீ,அதிர்ந்து கேட்க கூடிய முரசின் ஒலி,களிற்றின் ஆரவாரம்,வீரர்கள் ஆரவாரம்,அருவியின் ஓசை,பறையோசை,போர்கள் ஆரவாரம் போன்றவற்றை உவமையாக கூறுவதாலும் அம்பல் என்பது சிலர் அறிந்த செய்தியாகவும் அலர் என்பது பலர் அறியக்கூடிய செய்தியா…