முதன்மை உள்ளடக்கத்திற்குச் செல்

கருத்தரங்கம்




கடந்த வாரம்(5,6-6-2009)அன்று தஞ்சாவூர் தமிழ்ப்பல்கலைக்கழகத்தில் சிங்கப்பூர் ,மலேசியாவில் இருந்து தமிழ் இலக்கிய படைப்பாளர்கள் கலந்து கொண்ட இரண்டு நாள் கருத்தரங்கம் நடைபெற்றது.இக்கருத்தரங்கத்தில் நவீன தமிழ் இலக்கிய வளர்ச்சியில் மலேசிய சிங்கப்பூர் எழுத்தாளர்களின் பங்களிப்பினைப் பற்றிய கட்டுரைகள் வழங்கப்பெற்றன. மலேசியா ,சிங்கப்பூர் படைப்பாளர்கள் 41 பேர் இக்கருத்தரங்கில் பங்கு பெற்றனர்.5-ஆம் திகதி காலை பத்து மணிக்கு விழா தொடங்கப்பெற்றது. தமிழ்ப் பல்கலைக்கழத் துணைவேந்தர் விழாவினைத் தொடங்கி வைக்க மு.மேத்தா அவர்கள் சிறப்புரையாற்றினார்கள். மு.மேத்தா அவர்கள் கவிதையின் இன்றைய நிலையினைக் குறித்து மிக அழகாவும் ஆழமாகவும் விளக்கினார்.மேலும் மலேசியா,சிங்கப்பூர் எழுத்தாளர்கள் மரபுகவிதைகளை விட்டு இன்னும் வெளிவரவில்லை புதுக் கவிதைகளையும் அவர்கள் படைக்க வேண்டும் எனக் கேட்டுக் கொண்டார். சிங்கப்பூர் எழுத்தாளர்கள் இக்கருத்தினை மறுத்து புதுக்கவிதைகளை அங்குள்ள படைப்பாளர்கள் படைக்கின்றனர் என்று கூறினர்.


தமிழ்நாட்டில் உள்ள முத்துப்பேட்டை என்னும் ஊரில் இருந்து சிங்கப்பூர் சென்று,மிகப் பெரும் தொழில் அதிபராக விளங்க கூடிய மரியாதைக்குரிய முஸ்தபா என்ற மாபெரும் மனிதர்
,தமிழை ஆதரிக்கும் நோக்கில் 20 இலக்கம் ரூபாய் வைப்பு நிதியாக வைத்து,தமிழுக்கு அருந்த தொண்டாற்றிய கோ.சாரங்கபாணியார் அவர்களின் பெயரில் தமிழ்ப் பல்கலைக்கழகத்தில் அறக்கட்டளை தொடங்கி,அதன் வழி ஒவ்வொரு ஆண்டும் சிங்கப்பூர் ,மலேசிய எழுத்தாளர்களைக் கொண்டு கருத்தரங்கம் நடைபெற வழிவகை செய்துள்ளார்.

தமிழுக்கு அவர் செய்துள்ள பணி வணங்குவதற்குரியது. வெளிநாடுகளுக்குச் செல்லும் பலர் தமிழையும் தமிழ்நாட்டையும் மறந்து இருந்துவிடுகிறார்கள்.அவர்களுக்கு மத்தியில் இவர் தமிழுக்கு செய்துள்ள ,செய்து கொண்டு இருக்கும் பணி அளப்பரிது.


5-ஆம் திகதி மாலை மலேசிய,சிங்கப்பூர் நாடகக் கலைஞர்களால் இராசராசன் என்னும் வரலாற்று நாடக்ம் நடத்தப் பெற்றது. அடுத்த நாள் மலேசிய ,சிங்கப்பூர் படைப்பாளர்களின் சிறந்த படைப்புக்கள் தேர்ந்தெடுக்கப்பெற்று,கரிகாலன் விருது வழங்கப்பெற்றது.

மலேசிய எழுத்தாளர் ப.சந்திரகாந்தம் அவர்கள் எழுதிய 200 ஆண்டுகால மலேசிய இந்தியர்கள் என்ற நூலுக்கும்,சிங்கப்பூர் எழுத்தாளர் பார்தென்றல்.முருகனடியார் அவர்கள் எழுதிய சங்கமம்(மரபுகவிதை தொகுப்பு) என்னும் இரண்டு நூல்களைத் தேர்ந்தெடுக்கப் பெற்று,அவர்களுக்குக் கரிகாலன் விருது வழங்கப்பெற்றன.


நிறைவு விழாவில் மத்திய அமைச்சர் திரு பழனிமாணிக்கம் ,வணிவரித்துறை அமைச்சர் திரு உபயதுல்லா,மு.மேத்தா,சிற்பி பாலசுப்பிரமணியம் போன்றோர் கலந்து கொண்டனர்.மத்திய அமைச்சர் தனது உரையில் மலேசிய சிங்கப்பூர் எழுத்தாளர்களோடு,இங்குள்ள படைப்பாளர்களும் கலந்துகொள்ளும் போது இலக்கிய வளரச்சி இங்கும் அங்கும் எவ்வாறு வளர்ந்துள்ளது என்பதனை அறியமுடியும்,ஆகையால் அடுத்த ஆண்டில் இருந்து ,இம்முறையைப் பின்பற்றினால் நன்றாக இருக்கும் எனக் குறிப்பிட்டார்.

கருத்துகள்

முனைவர் மு.இளங்கோவன் இவ்வாறு கூறியுள்ளார்…
தமிழ்ப் பல்கலைக்கழகத்தில் நடைபெற்ற நிகழ்ச்சியை அறியத் தந்தமைக்கு நன்றி.
மு.இளங்கோவன்
புதுச்சேரி
முனைவர் சே.கல்பனா இவ்வாறு கூறியுள்ளார்…
உங்கள் வருகைக்கு நன்றி ஐயா.

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

அம்பல் அலர்

அம்பல் அலர் கௌவை என்ற சொல்லாட்சிகள் சங்க இலக்கியங்களில் காணப்பெறுகின்றன.திருக்குறளில் திருவள்ளுவர் அலரறிவுறுத்தல் என்ற அதிகாரத்தைப் படைத்துள்ளார்.சரி அம்பல் அலர் என்றால் என்ன என்று பார்த்தோம் என்றால் தலைவன் தலைவி காதல் கொண்டு ஒழுகும் செய்தி சிலருக்கு மட்டும் தெரிந்தால் அது அம்பல் எனப்படும்.பலர் அறிந்தால் அதற்கு பெயர் அலர் எனப்படும்.இப்பொழுது கூறுகின்றோமே கிசுகிசு என்று அதைதான் முன்பு அம்பல் அலர் என்று பிரித்துக் கூறியிருக்கின்றார்கள்.

அதாவது அம்பல் என்பது மொட்டு நிலை என்றும் அலர் என்பதை மலர்ந்த நிலை என்றும் கூறலாம்.காதல் எப்பொழுது அம்பலாக மாறுகிறதோ அப்பொழுது அது நன்மையில் முடியும் என்ற கருத்தும் பண்டு இருந்துள்ளது.

அம்பலுக்கு உவமை கூறும் போது ஒலி குறைவாக கேட்க கூடிய கோழி,நாரை போன்றவற்றின் சத்ததையும் ,அலருக்கு உவமை கூறுமிடத்து எங்கும் பரவிகாணக்கூடிய சூரியனின் ஒளி,காட்டுத்தீ,அதிர்ந்து கேட்க கூடிய முரசின் ஒலி,களிற்றின் ஆரவாரம்,வீரர்கள் ஆரவாரம்,அருவியின் ஓசை,பறையோசை,போர்கள் ஆரவாரம் போன்றவற்றை உவமையாக கூறுவதாலும் அம்பல் என்பது சிலர் அறிந்த செய்தியாகவும் அலர் என்பது பலர் அறியக்கூடிய செய்தியா…

சங்க இலக்கியத்தில் விருந்தோம்பல்

சங்கதமிழ் இலக்கியங்கள் காதல்,வீரம்,கொடையை மட்டுமன்றி
இல்லறத்துக்குரிய அறங்களுள் ஒன்றாக விருந்தோம்பலையும்
சிறப்பித்துக் கூறுகின்றன.விருந்தோம்பலில் தமிழரே பேர் பெற்றவர்கள்.
பழந்தமிழர் விருந்தோம்பலை வாழ்க்கையின் உயிர் நாடியாகக் கொண்டமை,
அக்கால நூல்களால் நன்கு தெரிகிறது.பழந்தமிழ் நூல்களில் விருந்து மணமே
பெரிதும் கமழ்ந்து கொண்டிருந்தது.விருந்தோம்பலின் அருமையை அறிந்து
வள்ளுவர் விருந்தோம்பலுக்கென்று தனியோர் அதிகாரத்தைப் படைத்துள்ளார்.
'விருந்து' என்ற சொல் புதுமையைப் குறித்துப் பின்பு ஆகுபெயராய் விருந்தினரைக்
குறித்து வழங்கலாயிற்று.
'விருந்து தானும்
புதுவது கிளந்த யாப்பின் மேற்றே'(பொருளதிகாரம்,237)
என்ற தொல்காப்பிய நூற்பா மூலம் அறியலாம்.
இல்லற நெறி
'பகுத்துண்டு பல்லுயிர் ஓம்புதலே' இல்லறத்தின் தலையாய நெறியாகும்.
விருந்தோம்பல் இல்லாத வாழ்க்கை இல்வாழ்க்கை ஆகாது. விருந்தோம்பலில் பெண் பெரும்
பங்கு பெறுகிறாள்.ஆதலின் 'நல்விருந்தோம்பலின் நட்டாள்' எனத் திரிகடுகம் கூறும்.

தொல்காப்பியமும் மனைவிக்கு உரிய மாண்புகளாக விருந்தோம்பலையும் சுற்றம் ஓம்பலையும் சுட்டுகிறது.
\
'விருந்து புறந்தருதல…