முதன்மை உள்ளடக்கத்திற்குச் செல்

மழலை இன்பம்


குழந்தையை விரும்பாத உயிர்களே இல்லை.குழந்தைகளோடு இருக்கையில் நாமும் ஒரு குழந்தையாக மாறிவிடுவோம்.குழந்தை செல்வத்தின் அருமையை உணர்ந்து வள்ளுவப் பெருந்தகை பெருமவற்று யாம் அறிவது இல்லை அதாவது பெறத் தகுந்த செல்வங்களில் மக்கள் செல்வத்தை விட வேறு செல்வத்தை யாம் மதிப்பதில்லை என்று கூறுகின்றார்.

புறநானூற்றுப் பாடல் ஒன்று ,எத்துணைப் பெரிய செல்வந்தராக இருந்தாலும்,ஏன் நாட்டுக்கே மன்னனா இருந்தாலும் குழந்தை இன்பம் கிடைக்க வில்லை என்றால் அவர்கள் வாழ்ந்தும் பயனில்லை என்று கூறுகின்றது.குழந்தையின் ஒவ்வொரு அசைவுகளுமே நமக்கு எல்லையில்லா ஆனந்ததைக் கொடுக்க கூடியது.

படைப்பு பல படைத்துப் பலரோ டுண்ணும்
உடைப்பெருஞ் செல்வ ராயினும் மிடைப்படக்
குறுகுறு நடந்து சிறுகை நீட்டி
இட்டுந் தொட்டுங் கவ்வியுந் துழந்தும்
நெய்யுடை யடிசின் மெய்பட விதிர்த்தும்
மயக்குறு மக்களை யில்லோர்க்குப்
பயக்குறை யில்லைத் தாம் வாழும் நாளே.

முதுமொழி காஞ்சி என்ற நூலும் மக்கள் பேறே தலையா செல்வம் எனப் பாடுகின்றது.

ஆர்கலி உலகத்து மக்கட்கு எல்லாம்
மக்கட் பேற்றிற் பெறும் பேறில்லை

குழந்தை இன்பமே நமது துயரங்களை எல்லாம் போக்க கூடியது என்பதைக் கம்பர் ,

மன்னர் ஆனவர் அல்லர்மேல் வானவர்க்கு அரசாம்
பொன்னின் வார்கழல் புரந்தரன் போலியர் அல்லர்
பின்னு மாதவந் தொடங்கிநோன் பிழைத்தவர் அல்லர்
சொன்ம றாமகப் பெற்றவர் அருந்துயர் துறந்தார்

கம்பராமயணத்தில் அழகா பதிவுசெய்துள்ளார்.
சிறப்பான வாழ்க்கைக்கு குழந்தை சிறந்த செலவம் என்கிறார் பாரதியார்.
சீர்பெற்று வாழ்வதற்கே-உன்னைப்போல்
செல்வம் பிறிது முண்டோ



குழந்தையின்பத்தை,மழலை மொழியை நுகராதவர்கள் தான் குழலும் யாழும் இனிமை என்று கூறவர்.குழந்தையின் மழலைமொழி ஆயிரம் கதைகளைச் சொல்லும்,புரியவில்லை என்றாலும் அதில் ஒரு இன்பம் மண்டி கிடக்கும்.
இதனை குறள்மொழி,
குழலினிதி யாழினி தென்பதம் மக்கள்
மழலைச்சொல் கேளா தவர்


என்றும் புறநானூற்றுப் பாடல்,

யாழோடு கொள்ளா பொழுதொடு புணரா
பொருளறி வாரா வாயினும் தந்தையருக்கு
அருள் வந்தனவால் புதல்வர்தம் மழலை

கலித்தொகையும்
ஐய,கமரு நோக்கின்
அத்தத்தா என்னும் நின்
தேமொழி கேட்டல் இனிது

பாரதியாரும்,
சொல்லு மழலையிலே
துன்பங்கள் தீர்த்திடி வாய்;
முல்லை சிரிப்பாலே-எனது
மூர்க்கந் தவிர்த்திடு வாய்

என்றும் மழலைமொழியின் சுவைக்கு வேறு ஏதும் ஈடில்லையெனக் கூறுகின்றது.

குழந்தைகள் தங்களது கையினால் பிசைந்து மேனியெங்கும் இறைத்துக்கொண்டு உண்ணும் அழகே தனி.அவர்கள் கையினால் பிசைந்த உணவு அழிழ்துக்கு ஒப்பானது என்பர் வள்ளுவர்
அமிழ்தினு மாற்ற வினிதேதம் மக்கள்
சிறுகை யளாவிய கூழ்

பெருமாள் திருமொழியில் கண்ணன் உண்ண்ட மிச்சல் கிடைக்கவில்லையே எனப் பெரியாழ்வார் வருந்தி பாடுவார்.

வண்ணச் செஞ்சிறு கைவிரல் அனைத்தும்
வாரி வாய்க்கொண்ட அடிசிலின் மிச்சில்
உண்ணப் பெற்றிலேன்


இது என்கவிதை
மாசி மலர்ந்த மல்லிகை மலரே
ராசி பெற்ற என்தம் மகளே
ஊசி முல்லைப் பல்லை காட்டி
பேசி மயக்கும் இன்ப தேனே
மழலை உந்தன் சொல்லின் முன்பு
குழலும் இனிதோ யாழும் இனிதோ

கருத்துகள்

சுப.நற்குணன் இவ்வாறு கூறியுள்ளார்…
மதிப்புமிகு முனைவர் அவர்களே,

வணக்கம். முதன்முறையாகத் தங்களுக்கு மறுமொழி எழுதுகிறேன்.

தங்களின் பதிவுகள் பல என் மனதை மிகவும் கவர்ந்தன. 'மழலை இன்பம்' அடடா சொல்லொனா இன்பம்.

தங்களின் அருமைப் படைப்புகளைத் தொடர்க!

இனி தொடர்ந்து வருவேன்.நன்றி!

அன்புடன்,
திருத்தமிழ் ஊழியன்,
சுப.நற்குணன் - மலேசியா.
சந்ரு இவ்வாறு கூறியுள்ளார்…
நல்ல பதிவு பகிர்வுக்கு நன்றிகள்...
முனைவர் சே.கல்பனா இவ்வாறு கூறியுள்ளார்…
அன்பின் தோழர் சுப.ந.அவர்களே,
வணக்கம்.உங்கள் வருகைக்கும் கருத்துக்கும் வாழ்த்துக்கும் மிக்க நன்றி.அடிக்கடி வந்து செல்லுங்கள்.
முனைவர் சே.கல்பனா இவ்வாறு கூறியுள்ளார்…
உங்கள் கருத்துக்கும் வருகைக்கும் நன்றி சந்ரு.......
ஆ.ஞானசேகரன் இவ்வாறு கூறியுள்ளார்…
//பேசி மயக்கும் இன்ப தேனே
மழலை உந்தன் சொல்லின் முன்பு
குழலும் இனிதோ யாழும் இனிதோ//

மிக அருமை...

சற்றுமுன்தான் குழந்தகளை உலகத்தை பற்றி நினைத்து பார்த்தேன்.. உங்கள் இடுகையும் அதே உலகம் மிக்க மகிழ்ச்சியாக இருந்தது.. உங்களின் கவிதையும் அருமை அம்மா
முனைவர் சே.கல்பனா இவ்வாறு கூறியுள்ளார்…
//மிக அருமை...

சற்றுமுன்தான் குழந்தகளை உலகத்தை பற்றி நினைத்து பார்த்தேன்.. உங்கள் இடுகையும் அதே உலகம் மிக்க மகிழ்ச்சியாக இருந்தது.. உங்களின் கவிதையும் அருமை அம்மா//



மிக்க நன்றி சேகரன்..........
nidurali இவ்வாறு கூறியுள்ளார்…
ஒரு சான் வயிருக்கு அது இல்லாமல் மற்ற நாடு சென்றே குடும்பம் வாழ்வு இல்லாமல் இன்பம் இழ்க்கப்படுகிறது
அதன் இன்பம் இன்னும் அதிகம் தாத்தாவுக்கு

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

சங்க இலக்கியத்தில் விருந்தோம்பல்

சங்கதமிழ் இலக்கியங்கள் காதல்,வீரம்,கொடையை மட்டுமன்றி
இல்லறத்துக்குரிய அறங்களுள் ஒன்றாக விருந்தோம்பலையும்
சிறப்பித்துக் கூறுகின்றன.விருந்தோம்பலில் தமிழரே பேர் பெற்றவர்கள்.
பழந்தமிழர் விருந்தோம்பலை வாழ்க்கையின் உயிர் நாடியாகக் கொண்டமை,
அக்கால நூல்களால் நன்கு தெரிகிறது.பழந்தமிழ் நூல்களில் விருந்து மணமே
பெரிதும் கமழ்ந்து கொண்டிருந்தது.விருந்தோம்பலின் அருமையை அறிந்து
வள்ளுவர் விருந்தோம்பலுக்கென்று தனியோர் அதிகாரத்தைப் படைத்துள்ளார்.
'விருந்து' என்ற சொல் புதுமையைப் குறித்துப் பின்பு ஆகுபெயராய் விருந்தினரைக்
குறித்து வழங்கலாயிற்று.
'விருந்து தானும்
புதுவது கிளந்த யாப்பின் மேற்றே'(பொருளதிகாரம்,237)
என்ற தொல்காப்பிய நூற்பா மூலம் அறியலாம்.
இல்லற நெறி
'பகுத்துண்டு பல்லுயிர் ஓம்புதலே' இல்லறத்தின் தலையாய நெறியாகும்.
விருந்தோம்பல் இல்லாத வாழ்க்கை இல்வாழ்க்கை ஆகாது. விருந்தோம்பலில் பெண் பெரும்
பங்கு பெறுகிறாள்.ஆதலின் 'நல்விருந்தோம்பலின் நட்டாள்' எனத் திரிகடுகம் கூறும்.

தொல்காப்பியமும் மனைவிக்கு உரிய மாண்புகளாக விருந்தோம்பலையும் சுற்றம் ஓம்பலையும் சுட்டுகிறது.
\
'விருந்து புறந்தருதல…

செய்யுளும் உரைநடையும்

முதலாமாண்டு – இரண்டாம் பருவம் தாள் -1 –ITAC - செய்யுளும் உரைநடையும் அலகு – 1      குறுந்தொகை
நல்ல குறுந்தொகை எனப் புலவர்களால் பாராட்டப்பட்டது. குறுந்தொகை என்பதற்கு குறும் பாடல்களைக் கொண்ட தொகை அல்லது தொகுப்பு என்று பொருள் படும்.  தொகுத்தவர் உப்பூரி குடிகிழார் தொகுப்பித்தவர் பூரிக்கோ. 400 பாடல்களை 205 புலவர்கள் பாடியுள்ளனர். கடவுள் வாழ்த்து பெருந்தேவனார் என்பவர் பாடியுள்ளார். எட்டுத்தொகை நூல்களுள் ஒன்று. இது அகத்திணைப் பாடல்களின் தொகுப்பு. இப்பாடல்களின் அடிவரையறை 4 முதல் 8, நேரிசை ஆசிரியப்பாவினால் ஆனது. ஆசிரியர் பெயர் தெரியாத பாடல்கள் பத்து உள்ளன. உவமையாலோ, தொடராலோ அல்லது சிறப்பு அடைமொழியாலோ பெயர்பெற்ற புலவர் எண்ணிக்கை 19. குறுந்தொகையில் வருணனை குறைவு. முதல், கருப் பொருள்களை விட உரிப்பொருளுக்குச் சிறப்பிடம் தரப்படுகிறது. உள்ளுறை இறைச்சி அளவாக அமைந்துள்ளன. குறுந்தொகைப் பாடல்கள் உலகத் தரமுடையவை. உலகிலுள்ள எவ்வளவு சிறந்த காதல் பாடல்களுடன் ஒப்பிட்டு அதன் சிறப்பை உணரலாம். பல சான்றோர்களால் அதிகம் மேற்கோளாகப் பயன்படுத்தப்பட்டது இந்நூல் ஆகும். இலண்டன் நகரில் பூமிக்கு அடியில் ஓடும் சுரங்கத் தொடர் வ…