முதன்மை உள்ளடக்கத்திற்குச் செல்

பட்டத்து யானை





சுதந்திரப் போராட்டக்காலத்தில் எத்தனையோ அக்கினிக் குஞ்சுகள் சுதந்திர வேட்கை கொண்டு ,ஆங்கில அரசை எதிர்த்துப் போராடினர்.அவ்வாறு தென்னகப் பகுதியில் வெள்ளையர்களை எதிர்த்து ஆயுதம் ஏந்தி போராடிய ஒரு வீரனி வரலாற்றைப் பிண்ணனியாக வைத்து எழுதப்பெற்றதுதான் பட்டத்துயானை என்னும் புதினம்.

இந்நூலின் ஆசிரியர் குற்றப் பரம்பரை என்னும் நாவல் மூலம் எனக்கு அறிமுகமானார்.கடந்த புத்தக கண்காட்சியில் குற்றப் பரம்பரை என்னும் நாவலை வாங்கினேன் .அந்நாவலும் உண்மை சம்பவத்தை அடிப்படையாகக் கொண்டு எழுதப்பட்டதுதான். அப்புதினத்தின் கதையோட்டத்திலும் ,கதை சொல்லும் உத்திமுறையாலும் ஈர்க்கப்பட்டு,ஆசிரியரிடம் பேசவேண்டும் என்ற எண்ணம் தோன்றியது.உடனே அப்புத்தகத்தை வெளியிட்ட காவியாப் பதிப்பகத்தாரிடம் தொடர்ப்பு கொண்டு ,அவருடைய அலைபேசி எண்ணை வாங்கி அவரிடம் புதினம் தொடர்பான என்னுடைய கருத்தினைக் கூறினேன்.அவரும் மிகமகிழந்தார். அன்றிலிருந்து எங்கள் நட்புத் தொடர்ந்து வருகிறது.

அவரின் அடுத்தப் புதினமான பட்டத்து யானை என்னும் புதினத்தை அனுப்பி வைத்தார். இப் புதினம் ஏற்கனவே ஜீனியர் விகடனில் வெளிவந்து வெகுஜன மக்களால் பரப்பரப்பாகப் பேசப்பட்டு,பாரட்டப்பட்ட நாவலாகும்.எனக்கு இப்போதுதான் இந்நாவலைப் படிக்கும் வாய்ப்புக் கிடைத்தது.

ஆப்பநாட்டினைக் கதைக்களமாகக் கொண்டு, தென்னகப் பகுதியில் புரச்சிக்கு வித்திட்ட ‘சித்திரங்குடி மயிலப்பன்’ என்னும் வீரனின் கதையை மையப்படுத்தி இந்தாவல் எழுத்பெற்றுள்ளது.


ஆங்கில அரசுக்கு எதிராக 1799-செப்படம்பரில் பாஞ்சாலங்குறிச்சிப்போர்,1800 இல் மதுரை திண்டுக்கல் கிளர்ச்சி,1801 இல் சிவகங்கை போர்,1806 இல் வேலுர் கோட்டை கிளர்ச்சி,1808 இல் இராமன் நாயரது வயநாட்டுக் கிளர்ச்சி,1809 இல் தளவாய் வேலுத்தம்பியின் திருவிதாங்கூர் கிளர்ச்சி,1857-இல் சிப்பாய் புரச்சி, என எத்தனையோ கிளர்ச்சிகள் எழுந்தன.இவ் கிளர்ச்சிகளுக்கு எல்லாம் வித்தாக அமைந்த கிளர்ச்சிதான் 1799-ஆம் ஆண்டு ஏப்பரல் மாதம் 24 நாள் முதுக்குளத்தூரில் நடந்த கிளர்ச்சிதான் என இந்நூலாசிரியர் கூறுகின்றார்.

வரலாற்றுச் செய்தியை வைத்து எழுதப்பெற்ற இந்நாவல் தொடக்கம் முதல் முடிவு வரை விறுவிறுப்பாக எந்த இடத்திலும் தொய்வு ஏற்படாமல் கதையினை நகர்த்திச் செல்கின்றார் கதையாசிரியர்.

ஆப்பநாடு என்றாலே வறட்சி,களவு,வெட்டு,குத்து,கொலை என்னும் திட்டமிட்ட கற்பிதங்களைப் பொடியாக்கி,ஆங்கிலேயரை எதிர்த்த போரில் ஆயிரமாயிரம் வீரர்களை அள்ளிக் கொடுத்த தியாக பூமியின் மறைக்கப்ட்ட சரித்திரத்தை வெளிக்கொணரவேண்டும் என்ற விருபத்தினால் இப்புதினத்தை எழுதியதாக இப்புதின ஆசிரியர் குறிப்பிடுகின்றார்.


அவரின் எண்ணத்திற்கு ஏற்ப இந்நாவலைப் படிக்கும் போது, நமக்கு ஒரு வீர வரலாற்றினைக் காட்சியாகப் பார்ப்பது போல் உள்ளது., ரணசிங்கம் என்ற கதாபாத்திரத்தினை உருவாக்கி ,ஆங்கிலேயர்களுடன் அவன் மோதுவது மட்டுமல்லாமல் ,அப்பகுதியில் உள்ள அனைத்து மக்களையும் அக்கினிக் குண்டுகளாய் மாற்றி,விடுதலை வேட்கையை அவர்களுடை உள்ளத்துள் பாய்ச்சி, ஆங்கிலேயல்களை எதிர்த்துப் போராடவைக்கின்றான்.ஆங்கில அரசினை எதிர்த்து மதம் கொண்ட யானையாக ரணசிங்கம் ஆடிய ஆவேச ஆட்டமே பட்டத்து யானை என்னும் இப்புதினமாகும்.

இப்புதின ஆசிரியர் பல உண்மை நிகழ்வுகளைக் கதையின் ஊடே கூறிச் செல்லுகின்றார்.
புதிதான ஒரு செய்தி

கோவிந்தசாமி என்ற கவிஞர் ஒருவர் அந்த பகுதியில் வாழ்ந்துள்ளார் எனபதும்,அந்த கவிஞர் தமிழ் கவிஞர்கள் யாரும் எட்டமுடியாத இடத்தை தொட்டவர் என்றும் 'கெ கே என்ற கொம்புகள் இல்லாமல் ஆயிரத்து நானூத்தி நாற்பது வெண்பாக்களை எழுதியுள்ளார் என்பதையும் அறிமுடிகின்றது.அவர் எழுதிய பாக்களின் ஓலைச் சுவடிகள் இலங்கை யாழ்பாணம் நூலகத்தில் அரிய பொக்கிஷமாகப் பாதுகாக்கப்படுகிற செய்தியை,எட்டயப்புரம் சுப்பிரமண்ய பாரதியைத் திரிவனந்தபுரத்தில் சந்தித்த தேசியவிநாயகம் பிள்ளையவர்கள் சொல்ல,மனைவி செல்லமாவின் கிராமம் கடையத்திலிருந்து நான்கு நாள்கள் நடையாக நடந்து பொத்தாம்பள்ளி வந்த சுப்பதமணிய பாரதி கோவிந்தசாமி புலவரைக் கண்டு அளாவிசென்றாராம்.

கருத்துகள்

முனைவர்.இரா.குணசீலன் இவ்வாறு கூறியுள்ளார்…
நல்ல அறிமுகம்
முனைவர் சே.கல்பனா இவ்வாறு கூறியுள்ளார்…
நன்றி குணா.
ஆ.ஞானசேகரன் இவ்வாறு கூறியுள்ளார்…
நல்ல அறிமுகம்

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

சங்க இலக்கியத்தில் விருந்தோம்பல்

சங்கதமிழ் இலக்கியங்கள் காதல்,வீரம்,கொடையை மட்டுமன்றி
இல்லறத்துக்குரிய அறங்களுள் ஒன்றாக விருந்தோம்பலையும்
சிறப்பித்துக் கூறுகின்றன.விருந்தோம்பலில் தமிழரே பேர் பெற்றவர்கள்.
பழந்தமிழர் விருந்தோம்பலை வாழ்க்கையின் உயிர் நாடியாகக் கொண்டமை,
அக்கால நூல்களால் நன்கு தெரிகிறது.பழந்தமிழ் நூல்களில் விருந்து மணமே
பெரிதும் கமழ்ந்து கொண்டிருந்தது.விருந்தோம்பலின் அருமையை அறிந்து
வள்ளுவர் விருந்தோம்பலுக்கென்று தனியோர் அதிகாரத்தைப் படைத்துள்ளார்.
'விருந்து' என்ற சொல் புதுமையைப் குறித்துப் பின்பு ஆகுபெயராய் விருந்தினரைக்
குறித்து வழங்கலாயிற்று.
'விருந்து தானும்
புதுவது கிளந்த யாப்பின் மேற்றே'(பொருளதிகாரம்,237)
என்ற தொல்காப்பிய நூற்பா மூலம் அறியலாம்.
இல்லற நெறி
'பகுத்துண்டு பல்லுயிர் ஓம்புதலே' இல்லறத்தின் தலையாய நெறியாகும்.
விருந்தோம்பல் இல்லாத வாழ்க்கை இல்வாழ்க்கை ஆகாது. விருந்தோம்பலில் பெண் பெரும்
பங்கு பெறுகிறாள்.ஆதலின் 'நல்விருந்தோம்பலின் நட்டாள்' எனத் திரிகடுகம் கூறும்.

தொல்காப்பியமும் மனைவிக்கு உரிய மாண்புகளாக விருந்தோம்பலையும் சுற்றம் ஓம்பலையும் சுட்டுகிறது.
\
'விருந்து புறந்தருதல…

செய்யுளும் உரைநடையும்

முதலாமாண்டு – இரண்டாம் பருவம் தாள் -1 –ITAC - செய்யுளும் உரைநடையும் அலகு – 1      குறுந்தொகை
நல்ல குறுந்தொகை எனப் புலவர்களால் பாராட்டப்பட்டது. குறுந்தொகை என்பதற்கு குறும் பாடல்களைக் கொண்ட தொகை அல்லது தொகுப்பு என்று பொருள் படும்.  தொகுத்தவர் உப்பூரி குடிகிழார் தொகுப்பித்தவர் பூரிக்கோ. 400 பாடல்களை 205 புலவர்கள் பாடியுள்ளனர். கடவுள் வாழ்த்து பெருந்தேவனார் என்பவர் பாடியுள்ளார். எட்டுத்தொகை நூல்களுள் ஒன்று. இது அகத்திணைப் பாடல்களின் தொகுப்பு. இப்பாடல்களின் அடிவரையறை 4 முதல் 8, நேரிசை ஆசிரியப்பாவினால் ஆனது. ஆசிரியர் பெயர் தெரியாத பாடல்கள் பத்து உள்ளன. உவமையாலோ, தொடராலோ அல்லது சிறப்பு அடைமொழியாலோ பெயர்பெற்ற புலவர் எண்ணிக்கை 19. குறுந்தொகையில் வருணனை குறைவு. முதல், கருப் பொருள்களை விட உரிப்பொருளுக்குச் சிறப்பிடம் தரப்படுகிறது. உள்ளுறை இறைச்சி அளவாக அமைந்துள்ளன. குறுந்தொகைப் பாடல்கள் உலகத் தரமுடையவை. உலகிலுள்ள எவ்வளவு சிறந்த காதல் பாடல்களுடன் ஒப்பிட்டு அதன் சிறப்பை உணரலாம். பல சான்றோர்களால் அதிகம் மேற்கோளாகப் பயன்படுத்தப்பட்டது இந்நூல் ஆகும். இலண்டன் நகரில் பூமிக்கு அடியில் ஓடும் சுரங்கத் தொடர் வ…