முதன்மை உள்ளடக்கத்திற்குச் செல்

தமிழ்மண்


பதிப்புத் துறையில் கால் பதித்து வெற்றி கண்டோர் பலர். ஆனால் தமிழ் உணர்வோடு ,மொழிப் பற்றோடு பதிப்புத்துறையில் ஈடுபட்டவர்கள் மிகக் குறைவே. தமிழ்மண் பதிப்பக உரிமையாளர் கோ.இளவழகன் அவர்கள் தமது மொழி உணர்வாலும்,இன உணர்வாலும் ஈக்கப்பட்டு,தமிழுக்குத் தொண்டு செய்யும் நோக்குடன் பல அரிய பணிகளைச் செய்து வருகிறார்கள்.
நம் தமிழ் மண்ணின் பெருமையை,மொழியின் திண்மையா,இலக்கியச் செறிவினை, வெளிகொணர்ந்து ஆவணப்படுத்தும் எண்ணத்தில் தமிழில் எழுந்த நூல்களையெல்லாம் திரட்டி தொகுப்பு நூலாக்கி தமிழ்ச் சமுதாயத்திற்கு வழங்கிவருகிறார்.
தஞ்சை மண் ஊருக்குப் படியளந்து,உறவுக்குக் கை கொடுத்த மண் மட்டுமல்ல.தமிழ் வளர்த்த மண்.எத்தனையோ தமிழறிஞர்களை உருவாக்கிய மண்,பல கலைகளுக்கு ஊற்றுக்கண்ணாக விளங்கிய மண்.இப்பெருமை மிகு தஞ்சை பகுதியில் தோன்றியவர் கோ.இளவழகனார்.03.07.1948 ஆம் ஆண்டு உரத்தநாடு வட்டம்,உறந்தையராயன் குடிக்காடு என்னும் ஊரில் திருமிகு அ.கோவிந்தசாமி,திருமதி அமிர்தம் அம்மையார் இணையருக்கு மகவாய் தோன்றினார்.
1965 இல் பள்ளி மாணவராக இருந்த காலத்தில் இருந்தே மொழி மீது மிகுந்த பற்றுக் கொண்டு ,மொழிப்போராட்டங்களில் தீவிரமாகப் பங்கேற்று 48 நாள்கள் சிறையில் இருந்துள்ளார்கள்.
பிறந்த ஊரான உறந்தையராயன் குடிக்காட்டில் ஊர்நல வளர்ச்சிக் கழகம் என்னும் சமூக அமைப்பில் தன்னை இணைத்துக்கொண்டு,பல்வேறு ஊர்நலப் பணிகளை ஆற்றியவர்கள்.உரத்தநாட்டில் தமிழர் உரிமைக் கழகம் என்னும் அமைப்பை நிறுவி ,தமிழ்மொழி,தமிழின மேம்பாட்டிற்கு உழைத்தவர்.பாவாணர் மீது கொண்ட பற்றினால் பாவாணர் படிப்பகம் நிறுவி இளம் தலைமுறையினருக்குத்தமிழார்வத்தை ஊட்டினார்.
அண்ணாவின் மதுவிலக்குக் கொள்கையை உள்ளத்துள் ஏந்தி,உரத்தநாட்டின் மதுவிலக்கு குழுவின் முக்கிய அமைப்பாளராக இருந்து செயலாற்றியுள்ளார்.1975 இல் ,தமிழ்நாடு சட்ட மன்றத்தில் உரத்தநாடு திட்டம் என்று பாராட்டப் பெற்ற மதுவிலக்குத் திட்டம் வெற்றிப்பெற உழைத்தவர்.
சிறு வயது முதற்கொண்டே இனம் உணர்வும் மொழி உணர்வும் கொண்டு திகழ்ந்ததால், இவர் தாம் எடுத்துக் கொண்ட பதிப்புத் துறையையும் அதை சார்த்தே அமைத்துக்கொண்டுள்ளார்.
இப்பதிப்பகத்தின் வழி பல்வேறு அரிய நூல்கள் முழு தொகுதிகளாக வெளிவந்துள்ளன.
1.தமிழிசை அறிஞர் தஞ்சை ஆபிரகாம் பண்டிதரின் கருணாமிருத சாகரம்
2.மொழிஞாயிறு தேவநேயப் பாவணாரின் அனைத்து நூல்கள்
3.பன்மொழிப் புலவர் கா.அப்பாத்துரையாரின் 40 க்கு மேற்பட்ட நூல்கள்
4.தொலாகாப்பிய பழைய உரை தொகுப்பு
5.ந.சி.கந்தையாபிள்ளையின் அனைத்து நூல்கள்
6.யாழ்பாண அகராதி
7. வரலாற்றறிஞர் வெ.சாமிநாத சர்மாவின் நூல்கள்
8.சாத்தன்குளம் அ.இராகவன் நூல்கள்
9.நாவலர் நா.மு.வேங்கடசாமி நாட்டார் நூல்கள்
10.திரு.வி.க. நூல்கள்
11.சதாசிவ பண்டாரத்தார் நூல்கள்
12.பண்டித வித்துவான் தி.வே.கோபாலய்யரின் தமிழ் இலக்கணப் பேரகராதி
13.40,000 பழமொழிகள் தொகுப்பு
14.வாழும்தமிழறிஞர் முதுமுனைவர் இரா.இளங்குமரனார் நூல்கள்
15.பழைய உரைகளைத் தொகுத்து வெளியிட்ட செவ்வியல் கரூவூலம்.
இப்படி பல்வேறு அரிய நூல்களைத் திரட்டி தமிழுலகம் பயன்கொள்ளும் வகையில் தொகுப்பாக் கொடுத்துக்கொண்டுள்ளார்கள். மேலும் பல நூல்களைப் பதிப்பிக்கும் பணியில் ஈடுபட்டுள்ளார்கள். அவர்கள் அரிய முயற்சியினைப் பாராட்டுவதோடு,அந்நூல்களை வாங்கியும் பயன்பெறுவோம்.

கருத்துகள்

ஹரி ஓம் இவ்வாறு கூறியுள்ளார்…
அன்புடையீர் தமிழ்மண் பதிப்பக முகவரி வேண்டுகிறேன்.
onruparamporul@gmail.com
பெயரில்லா இவ்வாறு கூறியுள்ளார்…
தமிழ்மண் பதிப்பகம்
https://www.facebook.com/pages/%E0%AE%A4%E0%AE%AE%E0%AE%BF%E0%AE%B4%E0%AF%8D%E0%AE%AE%E0%AE%A3%E0%AF%8D-%E0%AE%AA%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AE%95%E0%AE%AE%E0%AF%8D/656031817768968

இந்த வலைப்பதிவில் உள்ள பிரபலமான இடுகைகள்

தொகைச்சொற்கள்

நான்கு எண்ணிக்கையில் அமைந்த தொகைச்சொற்கள்........

அச்சம் ---- அணங்கு,விலங்கு,கள்வர்,தம்மரசன்

அரண --- மலை,காடு,மதில்,கடல்

அளவு---எண்ணல்,எடுத்தல்,முகத்தல்,நீட்டல்

அழுகை ---- இளிவு,அழவு,அசைவு,வறுமை

அனுபந்தம் ---- விடயம்,சம்பந்தம்,பிர்ரயோசனம்

ஆச்சிரமம் ----- பிரமநரியம்,இல்வாழ்க்கை,வானப்பிரத்தம்,சந்தியாசம்

ஆடூஉக்குணம் ------ அறிவை,நிறை,ஓர்ப்பு,கடைப்பிடி

இழிச்சொல் ---- குறளை,பொய்,கடுஞ்சொல்,பயினில் சொல்

இளிவரல் ----- மூப்பு,பிணி,வருத்தம்,மென்மை,

உண்டி ------ உண்டல்,தின்னல்,நக்கல்,பருகல்

உபாயம் ----- சாமம்,தானம்,பேதம்,தண்டம்

உவகை ----- செல்வம்,புலன்,புணர்வு,விளையாட்டு

உரை ----- கர்த்துரை,பதவுரை,பொழிப்புரை,அகலவுரை

ஊறுபாடு ------ எறிதல்,குத்தல்,வெட்டல்,எய்தல்

கதி ----- தேவர்,மக்கள்,விலங்கு,நாகர்

கணக்கு ---- தொகை,பிரிவி,பெருக்கு,கழிவு

கம்பம் ----தாலம்பம் ,வெள்ளை,சாலாங்கம்,கற்பரி

கரணம் -----மனம்,புத்தி,அகங்காரம்,சித்தம்

கல்வி ---- கேள்ளவி,தானுணர்தல்,பயிற்சி,ஓதுவித்தல்

கவிகள் ----- ஆசு,மதுரம்,சித்திரம்,வித்தாரம்

காதிகள் ----- ஞானாவரணீயம்,தரிசனாவரணீயம்,மோகநீயம்,அந்தராயம்

சதுரங்கம் ----- தேர்,கரி,பரி,கலாள்

சாந்துவகை -----…

செய்யுளும் உரைநடையும்

முதலாமாண்டு – இரண்டாம் பருவம் தாள் -1 –ITAC - செய்யுளும் உரைநடையும் அலகு – 1      குறுந்தொகை
நல்ல குறுந்தொகை எனப் புலவர்களால் பாராட்டப்பட்டது. குறுந்தொகை என்பதற்கு குறும் பாடல்களைக் கொண்ட தொகை அல்லது தொகுப்பு என்று பொருள் படும்.  தொகுத்தவர் உப்பூரி குடிகிழார் தொகுப்பித்தவர் பூரிக்கோ. 400 பாடல்களை 205 புலவர்கள் பாடியுள்ளனர். கடவுள் வாழ்த்து பெருந்தேவனார் என்பவர் பாடியுள்ளார். எட்டுத்தொகை நூல்களுள் ஒன்று. இது அகத்திணைப் பாடல்களின் தொகுப்பு. இப்பாடல்களின் அடிவரையறை 4 முதல் 8, நேரிசை ஆசிரியப்பாவினால் ஆனது. ஆசிரியர் பெயர் தெரியாத பாடல்கள் பத்து உள்ளன. உவமையாலோ, தொடராலோ அல்லது சிறப்பு அடைமொழியாலோ பெயர்பெற்ற புலவர் எண்ணிக்கை 19. குறுந்தொகையில் வருணனை குறைவு. முதல், கருப் பொருள்களை விட உரிப்பொருளுக்குச் சிறப்பிடம் தரப்படுகிறது. உள்ளுறை இறைச்சி அளவாக அமைந்துள்ளன. குறுந்தொகைப் பாடல்கள் உலகத் தரமுடையவை. உலகிலுள்ள எவ்வளவு சிறந்த காதல் பாடல்களுடன் ஒப்பிட்டு அதன் சிறப்பை உணரலாம். பல சான்றோர்களால் அதிகம் மேற்கோளாகப் பயன்படுத்தப்பட்டது இந்நூல் ஆகும். இலண்டன் நகரில் பூமிக்கு அடியில் ஓடும் சுரங்கத் தொடர் வ…

சங்க இலக்கியத்தில் விருந்தோம்பல்

சங்கதமிழ் இலக்கியங்கள் காதல்,வீரம்,கொடையை மட்டுமன்றி
இல்லறத்துக்குரிய அறங்களுள் ஒன்றாக விருந்தோம்பலையும்
சிறப்பித்துக் கூறுகின்றன.விருந்தோம்பலில் தமிழரே பேர் பெற்றவர்கள்.
பழந்தமிழர் விருந்தோம்பலை வாழ்க்கையின் உயிர் நாடியாகக் கொண்டமை,
அக்கால நூல்களால் நன்கு தெரிகிறது.பழந்தமிழ் நூல்களில் விருந்து மணமே
பெரிதும் கமழ்ந்து கொண்டிருந்தது.விருந்தோம்பலின் அருமையை அறிந்து
வள்ளுவர் விருந்தோம்பலுக்கென்று தனியோர் அதிகாரத்தைப் படைத்துள்ளார்.
'விருந்து' என்ற சொல் புதுமையைப் குறித்துப் பின்பு ஆகுபெயராய் விருந்தினரைக்
குறித்து வழங்கலாயிற்று.
'விருந்து தானும்
புதுவது கிளந்த யாப்பின் மேற்றே'(பொருளதிகாரம்,237)
என்ற தொல்காப்பிய நூற்பா மூலம் அறியலாம்.
இல்லற நெறி
'பகுத்துண்டு பல்லுயிர் ஓம்புதலே' இல்லறத்தின் தலையாய நெறியாகும்.
விருந்தோம்பல் இல்லாத வாழ்க்கை இல்வாழ்க்கை ஆகாது. விருந்தோம்பலில் பெண் பெரும்
பங்கு பெறுகிறாள்.ஆதலின் 'நல்விருந்தோம்பலின் நட்டாள்' எனத் திரிகடுகம் கூறும்.

தொல்காப்பியமும் மனைவிக்கு உரிய மாண்புகளாக விருந்தோம்பலையும் சுற்றம் ஓம்பலையும் சுட்டுகிறது.
\
'விருந்து புறந்தருதல…